مقدمة تعريفية بمواد الفرقة الاولى
مواد سنه اولي اولا كدا هتدرس علي مدار السنه 10 مواد خمس مواد الترم الاول وخمس مواد الترم التاني وطبعا علشان مدوش دماغكم هكتفي اني هتكلم عن مواد الترم الاول :-*
بسم الله الرحمن الرحيم
- ماده علم الاجرام والعقاب :
الماده دي جميله خالص ومشوقه جدا هتبدأ الماده بمقدمه المقدمه بتتكلم عن تعريف كل من علم الاجرام وعلم العقاب .وبعد كدا هينقسم معاك الكتاب لجزئين الجزء الاول هيشمل علم الاجرام وفي الجزء دا هيتكلم عن الجريمه وايه اسباب الجريمه وتفسير الجريمه وليه الشخص بيتجه الي الجريمه وانواع الجرائم وطبعا هتاخدو مجموعه من النظريات هتفسر كدا وهتاخدي عوامل داخليه وخارجيه . الجزء التاني ودا بيتكلم عن علم العقاب وهنا بيتكلم عن العقاب المقرر للجرائم وليه عملنا العقاب وفايدته اي وانواع العقوبات في القانون ومدي مشروعيتها
- الشريعه :
ودي بصراحه كانت مادتي المفضله لاني عندي فضول اعرف ايه احكام الدين في المسائل المختلفه مشكلتها الوحيده انها بتتنسي بسرعه جداا .. والماده دي بالمختصر المفيد بتتكلم عن مصادر التشريع في الشريعه الاسلاميه من قرآن وسنه ومصادر اخري هتتعرفو عليها لما تاخدوها نصيحه مني ذاكروها اول بأول واحفظوا الايات القرآنيه والاحاديث علشان تستشهدو بيها مينفعش اقول حاجه غير لما يكون عندي اثبات علي كلامي علشان اللي قدامي يثق في كلامي ومتخافوش حفظ الايات هيخلي عندك معلومه كويسه وموثقه في حياتك العامه
- المدخل لدراسه القانون :
ودي اهم ماااده علي الاطلاق لان هي ببساطه هتقولك اي القانون.الماده دي هي الخطوه الاولي لدراسه القانون ينفع ابني عماره وميكونش عندي اساس كويس لا طبعا العماره هتقع اهو الماده دي هي الاساس الكويس دراستها ممتعه ومش صعبه ممكن تكون كبيره شويه بس بتتفهم بسرعه طب الماده دي يا الاء بتتكلم عن اي بصوا بقا الماده دي تنقسم لجزئين الجزء الاول بيتكلم عن اي القانون وتعريفه وازي وصلنا للقوانين دي يعني اي مصادر القانون ودي بقا متعدده منها الدين والعرف وحجات تاني مش هطول عليكوا لانكوا اكيد هتعرفهوها نيجي بقا للجزء التاني ودا بيتكلم عن الحق ودا جزء ممتع بردو
- تاريخ النظم :
ودي كانت بتتكلم عن القانون ونشأت القانون والحق من العصور القديمه خالص وخد بقا عندك من عصر روماني وعصر ملكي وعصر امبراطوري ومن دا الماده دي غالب عليها الحفظ اكتر من الفهم بس بردو زي ما اتفقنا مفيش حاجه صعبه بالمذاكره
5/ودي بقا حقوق الانسان ودي كنت بعتبرها فاكه الترم ماده لزيزه في العموم كل الكليات حقوق وغير حقوق بيدرسوا الماده دي في سنه اولي حتي طب وطبعا شرحها باين من عنوانها مش محتاجه شرح .
"موفقين جميعا بإذن الله "
#الاء_النبراوي
#سنه_اولي_حقوق